Shum

Fshati Shum gjended në pjesën jugperëndimore të komunës së Strugës , duke qenë large kësaj qendre rreth 5 kilometra . Fshati ndodhet në një hapsirë të rrafshët , ndërsa është i banuar ekskluzivisht me banorë shqiptarë . Banorët e fshatit merren kryesisht me bujqësi , por ka edhe banorë që punojnë në qytetin e Strugës . Nuk është i vogël edhe numri i banorëve qe punojnë dhe jetojnë përkohësisht jashtë vendit . Fshati Shum ndodhet në një lartësi mbidetare prej 750 metrash . Ai ka 230 shtëpi dhe 1000 banorë . Fshati ka shkollë fillore , dyqane dhe puntori të vogla .

Për prejardhjen e fshatit nuk dihet shum por studjuesit sllav emrin e këtij fshati e lidhin me emrin shuma , që në shqip do të thotë pyll . Por , shpjegimi i etimologjisë së emrit të këtij fshati me këtë emër nuk duket shumë i qëndrueshëm , sepse në territprin e fshatit , apo edhe në afërsi të tij nuk ka ndonjë pyll . Prandaj , besohet se prejardhja e emrit të këtij fshati lidhet me emrin SUM , i përhapur shum në popullatën shqiptare .

Për sa i përket së kaluarës së këtij fshati , besohet se ai i ka rrënjët e thella në histori dhe kjo dëshmohet me egzistencën në territorin e tij të “ Varreve Analse '' nekropolit nga koha helenike që ndodhet në jugperëndim të këtij vendbanimi , në bregun e djathtë të lumit Shum .