Çikago: Nuri Mazari e mësoi gjeografinë e Atdheut përmes pus

Karaçica: Saherë e kemi ndi vetën ngusht dhe me hallet e jetës nën regjimin serb, duhen kujtuar Drenicën për të marrë forcë në betejat e reja...



Në sallën e Qendrës Shqiptare Islame në Çikago në organizim të Shoqatës Shqiptaro-Amerikane të Intelektulëve
Veprimtarëve dhe të Afaristëve,u promovua libri "Komandant Struga Legjendë e Gjallë" i autorit Prof.dr.Ibrahim Krosi nga Shkupi. Këtë manifestim kulturor për librin dhe dëshmorin e kombit Nuri Mazari e shpalli të hapur Prof.dr.Astrit Mehmeti,
kryetar i SHSHA-së dhe Këshillit Organizativ. Për promovimin e librit kishin ardhur shumë intelektualë dhe vperimtarë nga të gjitha etnitë tona. Në fillim të programit Prof.mr.Ismail Mehmeti e këndoi himnin amerikan, ndërsa e reja shqiptare Besiana Mehmedi, pedagoge në Universitetin e Tetovës himnin shqiptar dhe me një minut heshtjeje u nderuan të gjithë dëshmorët e kombit që ranë për lirinë e Atdheut.

Këtë program kulturor të promovimit të librit e udhëhoqi Prof.Skënder Karaçica, i cili më këtë rast lexoi kumtesën e tij "Bijt e Kombit dhe Liria e Atdheut". Duke folur për librin dhe figurën e pavdekshme të djalit hero nga Dollogozhda të Nuri Mazarit, prof.Karaçica tha se kushtrimi i Adem Jasharit në malet e Drenicës "...hajde vëllazën e luftojmë bashkë për lirinë e Kosovës" kishte marrë dhenë në të katër anët e Atdheut. Dhe, Drenica heroike nëpër kohët e rënda në kërkim të lirisë, vuri në spikamë prof.Karaçica, u bë frymëzim dhe krenari barezash shqiptarë. "Saherë e kemi ndi vetën ngusht, siç pat thënë një historian anonim gjatë vititës në Prekazin e Jasharajve, me hallet e jetës dhe nën regjimin serb,duhen kujtuar Drenicën për të marrë forcë në betejat e reja... Nuri Mazari i Dollogozhdës e mësoi gjeografinë e Atdheut përmes pushkës për lirinë e Kosovës", tha ndër të tjera në kumtesën e tij Prof.Skënder Karaçica.

Në vazhdim dhe në mungesë të autorëve u lexua një rezyme e shkurtër nga autori i librit Prof.dr.Ibrahim Krosi dhe kumetsa shkencore e Prof.dr.Muhamet Pirraku: ,,Ushtria Çlirimtare e Kosovës Misionare Çlirimtare e Fundshekullit XX" që i lexuan aktori i Komunitetit në Çikago Pajazit Murtishi dhe Besiana Mehmedi, pedagoge në UT-së. Pas dëgjimit të kumtesave, para mirofonit dolën shumë diskutues për të folur për djaloshin hero të tri luftërave për lirinë e kombit. Xhabir Alili me shtatin e tij të rritur në malet e Kërçovës (siç e prezentoi Prof.Karaçica), lexoi një poezi kushtuar dëshmorit Nuri Mazari dhe siç tha ai, librin të pata rastin të lexoj pikërisht më 5 maj në ditëlindjen e tij. Ishte me plot emocione Tasim Shaipi, mësuesi i autorit të librit Dr.Ibrahim Krosi, që dikur në vitin 1947-48 e kishte nxënës. Dhe siç u shpreh mësuesi Tasim, pas pesëdhjetë vjetësh unë pata nderin që pëermes librit të tij për Nuri Mazarin të bisdoj me telefon me ish nxënësin tim tash dr.i shkencës filologjike dhe mbledhës i folklorit shqiptar në trevën etnike në Maqedoni. Diskutimi i aktorit të teatrit nga Shqipëria Pandi Siku ishte me domethënie dhe porosi të shpirtit të artistit. Nuri Mazari, tha më tej Z.Siku, nuk iku nga Atdheu për të shkuar në Amerikë e gjetkë, por ai iku në Atdhe (Kosovë) për të luftuar për liri dhe pavarësi. Dhe, djali im po i moshës si Nuriut, iku në Amerikë që diskutimi i tij u përcoll me duartrokitje frenetike nga të pranishmit. Në diskutim mori pjesë edhe poetja e re Diana Seitaj, e cila para disa ditësh në Çikago promovoi dy librat e saj "Pafajësia e largimit" dhe "Në krahët e një nate".

"Nuri Mazarin nuk mundi ta vrasë as Serbia e Millosheviqit, atë e vranë pas shpine në ditët e lirisë, e vrau dora tinzare që i vinte era tradhëti. Më vjen keq që nuk pata mundësi t'ia japë Lamtumirën e fundit", tha bashkëluftëtari i Nuriut, Beqir Demëhasaj.
Me rastin e promovimit të librit për dëshmorin e Dollogozhdës kishte ardhur për të përcjellur edhe TV Gurra nga Kërçva. Redaktori Bekim Adili duke folur për promovimin e këtij libri tha se Diaspora Shqiptare në Amerikë e mban të gjallë shpirtin tonë në Atdhe.Për krejt çfarë ka bërë diaspora shqiptare nëpër kohë, ne u jemi mirënjohës dhe aktiviteti dhe ndihma në kohët e rënda, bëri që ne të jemi të gjallë dhe në shumë fronte fitimtar për lirinë, demokracinë dhe pavarësinë e Kosovës dhe të zgjidhjes së drejtë të çështjes shqiptare në Maqedoni, Preshevë dhe Medvegjë.
Në këtë promovim morën pjesë edhe vepimtarët e dalluar si: Tefik Abdullahu, Mahmut Skënderi, Faik Hajro etj.


Driton LEKU.
Zëdhënës i SHSHA-së
Çikago,SHBA

Pjesëmarsit në manifesimin kulturor të promovimit të librit ,,Komandant Sruga Legjendë e Gjallë,,



Kryesia e SHSHA-së:Nga e majta Mahmut Skenderi(Sekretar),Prof.Skënder Karaçica(Drejtor Ekzekutiv), Driton Leku(Zëdhnës)dhe Prof.dr.Astrit Mehmeti(Kryetar i SHSHA-së në Çikago)