Çikago: SHSHA-ja do të promovojë librin "Komandant Stru

Në Çikago me nismën e SHSHA-së dhe të bashkatdhetarëve tanë nga Struga me rrethinë, më 13 maj 2007, do të promovohet libri "Komandant Struga Legjendë e Gjallë" i autorit Dr. Ibrahim Krosi. Me rastin e organizimit të këtij manifestimi kulturor për promovimin e këtij libri është përgatitur program i pasur kulturor-shkencor.

Manifestimi i promovimit do të mbahet me porosinë e legjendarit Komandant Struga: "Nuk kam ardhur këtu për t'u kthyer prapë. Unë jam betuar se gjallë a vdekur do të hy në Kosovë!" Ishin këto fjalët e dëshmorit të kombit Nuri Mazari nga Dollogozhda e Strugës me luftëtarët e UÇK-së të Zonës së Dukagjinit në vitin 1998. Për organizimin e promovimit të librit për djalin dëshmor është zgjedhur Këshilli Organizativ (Prof.dr.Astrit Mehmeti, ligjërues në Univesitetin Devraj dhe kryetar i SHSHA-së). Do thekësur se këtë manifetim do të begatojnë me kumtesat e tyre: Prof.Skënder Karaçica "Bijtë e Kombit dhe Liria e Atdheut", ndërsa Prof.dr.Muhamet Pirraku (Instituti Albanologjik i Prishtinës) "Ushtria Çlirimtare e Kosovës Misionare Çlirimtare e Fundshekullit XX" dhe një rezyme e autorit të këitij libri Dr.Ibrahim Krosi. Vlen të theksohet se në këtë akt të lartë kombëtar do të paraqitën edhe shumë krijues e aktorë të mirënjohur nga etnia: Verenika Papaj, Pandi Siku, Pajazit Murtishi etjerë. Këshilli Organizativ me ndihmën e sponzorëve (veprimtarëve) shqiptaro-amerikan në Çikago,ka shqyrtuar mundësinë për ardhjen e aktorit të madh të Teatrit në Fier (Shqipëri) Muhamet Sheri, i cili me sukses që shumë e njohin në rolin e Xhafo Idrizit në dramën "Dy krisma në Paris". Ishte kjo një tablo e historisë sonë kur në vitin 1920 mu në zemër të Parisit heroi i kombit Avni Rrustemi e shtriu për tokë kryetradhëtarin Esad Pashë Toptanin. Këtë manifestim do të ndihmojnë përmes lajmeve nga historia e lavdishme e djelmenisë sonë në rreshtat e UÇK-së për lirinë dhe pvarësinë e Kosovës Radio-Jeta dhe Radio-Zëri i Shqiptarëve në Çikago. Ndërkaq, nga manifestimi kulturor i promovimit të librit për Komandant Struga-Nuri Mazari, do t'i dërgohet një telegram përshendetjeje familjes dhe vajzës së dëshmorit nga Dollgozhda Shqipdonës së vogël që të rritet bashkë me lirinë dhe pavarësinë e shtetit ë Kosovës!

Driton LEKU

Zëdhënës i SHSHA-së Çikago,SHBA