EVN zëvendëson matësit e vjetër të rrymës me matës të rinj..

EVN zëvendëson matësit e vjetër të rrymës me matës të rinj edhe ne Dollogozhde

Banorët e fsh.Dollogozhde mirëpresin ndërrimin e matësve të rrymës, dhe zëvendësimin e tyre me matës digjital në objektet e banimit dhe ato afariste, kështu shprehen punonjësit e Kompanisë për shpërndarjen e energjisë elektrike EVN të cilët i vizitoi stafi i www.dollogozhda.eu
Ekipet në terren thonë se mes banorëve shpesh janë përhapur spekulime dhe thashetheme për ekipet e EVN-së, por pasi u kemi shpjeguar detyrën tonë këtu, ata na kanë përkrahur plotësisht, thonë ata. Matësit e rinj sipas tyre kanë një precizitet të lartë të matjes së rrymës së shpenzuar, për dallim nga ato të vjetrat që nuk kanë as për afërsisht një saktësi të tillë, ndërsa përfundimisht hiqet edhe dukuri e dëmshme për të gjithë, keqpërdorimi i rrymës nga individë të caktuar. Edhe këtu janë vërejtur parregullsi në kyçjen e matësve të rrymës me sistemin energjetik, parregullsi këto që mund të shkaktojnë ngarkesë në sistem dhe dëme të paparashikueshme. Sipas tyre ky është edhe shkaku më i shpeshtë për paraqitjen e defekteve në rrjet. Ekspertët e EVN-së na treguan se si individë pa njohuri të mjaftueshme kanë intervenuar në matësit e rrymës duke rrezikuar kështu jetën e tyre dhe të njerëzve përreth. Për dallim nga matësit e vjetër të cilët konsumatorët vetë është dashur ti sigurojnë dhe të paguajnë për ato, matësit e rinj ndahen gratis nga kompania. Ata janë të saktë, kanë dy tarifa, pra tarifën normale dhe atë të lirë, të caktuara në bazë të çmimores nga Komisioni rregullator për energjetikë.
Ekipet e EVN-së për www.dollogozhda.eu u deklaruan se do të vazhdojnë me ndërrimin e matësve të vjetër dhe nga kjo presin një përmirësim të dukshëm të situatës në terren dhe pasjen e rrymës për 24 orë çdo ditë.