Të mërkurën pasdite shi dhe bubullima

Të martën dhe të mërkurën moti do të jetë pak më i nxehtë me temperature që do të mbërrijnë deri më 35 gradë celsius, ndërsa pasditen e së mërkurës do të fryjë erë e fortë e shoqëruar me shi dhe bubullima. Të enjten dhe të premten priten që të vazhdojnë reshjet e dobëta të shiut të cilat do të ulin temperaturat për dy deri më tre gradë celsius. “Të martën moti do të jetë me diell, më i nxehtë se tani me vranësira të pakta, ku dhe do të fryjë erë e lehtë nga drejtime të ndryshme.

Temperaturat e ditës do të luhaten nga 27 deri në 35 gradë Celsius”, sqaruan nga shërbimi meteorologjik. Sipas sinoptikëve të mërkurën paradite do të jetë mot i ngrohtë dhe me diell, ndërsa pasdite moti do të destabilizohet dhe do të ketë shira me interval të shkurtër kohor, do të fryjë erë e fortë si dhe do të ketë bubullima. Temperaturat e mëngjesit do të luhaten nga 14 deri më 19 gradë celsius, ndërsa ato të ditës nga 26 deri me 35 gradë. “Të enjten dhe të premten moti do të jetë i ngrohtë dhe me vranësira lokale”, thanë meteorologët. Të enjten temperaturat e mëngjesit do të lëvizin nga 9 deri më 14 gradë Celsius, ndërsa temperaturat e ditës nga 23 deri më 31 gradë Celsius. Po asht do të fryjë erë nga drejtime të ndryshme. Të premten do të fryjë erë e ngrohtë jugore, ndërsa temperature e mëngjesit dhe të ditës do të jenë të ngjashme me ato të një dite më parë. Gjatë fundjavës, temperaturat pritet që të rriten sërish dhe tu afrohen atyre të fillimit të kësaj jave. “Të shtunën dhe të dielën do të ketë një rritje të lehtë të temperaturave. Temperaturat e mëngjesit do të lëvizin nga 10 deri më 14 gradë celsius, ndërsa ato të ditës nga 25 deri më 33 gradë celsius”, sqaruan nga shërbimi meteorologjik. Edhe një vit më parë në këtë periudhë kishte mort të ndryshueshëm me erë të fortë që shkuli edhe drunjtë.

Dërguar të Tuesday, 16 June @ 11:52:32 CEST nga argent