Koroshisht

Koroshishta ndodhet në verilindje të qytetit të Strugës 12 km larg qëndres komunale dhe shtrihet në fushën e rrethuar nga mbarimi i kodrave të malit Karaorman, në lartësi mbidetare prej 740 metra. Në lindje kufizohet me fshatin Mesheishtë, në perëndim me fshatin Dollogozhdë, në jug ka fushën pjellore që kufizohet me fshatin Volinë dhe Livadhi. Në veri ka malet e Karaormanit. Ky fshat numëron 2000 banorë dhe ka rreth 400 shtëpi ne territorin e tij. Themelet e fshatit të vjetër janë rrafshnaltat e Ravenit dhe Cërckës pranë burimit çeshmja e madhe.

Banorët e pare të fshatit ishin blegtorë dhe më pas bujq. Familjet e parë kanë qenë familja Durmishi, Leshko të ardhur nga trevat e Lezhës, familja Alla të ardhur nga Dibra, familja Kaliqi nga trevat e Steblevës etj. Për emrin e fshatit egzistojnë dy gojëdhëna e para nga pjellshmëria e tokës ,,korr e shi” dhe e dyta Korrishte vend me shkurre shumë. Fshatin e ndan në dy pjsë përroi i thatë që mbledh ujrat e rrjeshjeve të shpatëve të Cërckës. Ka tokë pjellore dhe kullota, popullata e këtij vendbanimi kryesisht merret me bujqësi ndërsa një numër i madh i koroshishtasve ndodhen me punë të përkohshme jashtë vendit. Ky fshta është i banuar vetëm me shqiptarë. Në fshat funksionon shkolla fillore deri në klasën e tetë “Ekrem Jakupi” ku mësojne 400 nxënes. Ndër monumentet historike të lokaliteti mund të përmenden: “Qeramidnica”, “Glavina”, “Varreza çiflig”, “Kisha Latine”, e tj.

Burimi që gjendet në rrëzen e krastës shpellore i jep jetën këtij fshati. Gllavina është emir i burimit marrë sipas emrit të një banori shërbyes në pronat e Ramadan Beut “GLLAVINCO” – Gllavina. Sipas istitutit për ujra të R.M Gllavina është burim që e shpraz bazenin e ujit prej 27km që gjendet në fshatin Koroshisht, Zhepin deri ne Seteli. Këtë bazen më së tepërmi e shpraz burimi i Zhepinit që gjendet 15 m. më poshtë se i Gllavinës, kurse mbushet nga burimet shkëmborë të Sateskës.