Tateshi i poshtëm

Fshati Tatesh i Poshtëm ndodhet 12 kilometra larg qytetit të Strugës , pothuajse në qendër të fushës së Strugës . Deri në vitin 2004 fshati Tatesh i Poshtëm gravitonte në Komunën e Velshtës , duke u ndodhur larg saj pesë kilometra , por me ndarjen administrative të vitit 2004 të Strugës , pas shkrirjes së komunës së Veleshtës ne edhe ky venbanim iu bashkangjit Komunës së Strugës si të gjitha venbanimet e tjera . Tateshi i Poshtëm ndodhet në anën e djathtë të Drinit të Zi .

Ky fshat ndodhet në një lartësi mbidetare prej 795 metra dhe është vendbanim fushor dhe kodrinor , me tokë bujqësore , ndërsa ka edhe kullota dhe pyje .Fshati ka shkollë fillore deri në katër vjet , ndërsa prej klasës së pestë deri ne klasën e tetë nxënësit e ndjekin mësimin në fshatin fqinj Tatesh i Epërm . Dikur në këtë fshat punonte edhe ambulance e fshatit që ndodhet në qendër të fshatit pranë xhamis , gjitashtu ka edhe shitore private puntori , e tj .

Banorët e fshatit Tatesh i Poshtem i përkasin nacionalitetit shqiptar . Ky vendbanim ka 150 shtëpi dhe 900 banorë , kun jë pjesë e mire e tyre ndodhen me banim dhe punë të përkohshme jashtë vendit , fenomen ky si tek të gjitha vendbanimet e tjera shqiptare . Pjesa më e madhe e banorëve merren me bujqësi dhe blegtori si dhe me ndërtimtari . Edhe banorët e këtij vendbanimi janë krenarë për trashigiminë kulturore të vendbanimit të tyre duke sjellë si dëshmi për këtë kishën katolike që daton nga koha e mesjetës e cila ndodhet rreth një kilometer në juglindje të fshatit.